Виртуалды «Тур де Франс». «Астана» велошабандоздары интернеттің кесірінен мәреге жете алмады

Виртуалды «Үлкен ілмектің» үшінші бөлігінде «Астана» намысын  испаниялық Омар Фрайле, оның жерлесі Луис Леон Санчес, қазақстандық велосипедші Жандос Бижигитов және даниялық Йонас Грегард Вилсли қорғамақ болды, деп хабарлайды Prosports.kz.

Интернеттегі проблемаларға байланысты олар жарысты аяқтай алмады. Қазақстан құрамасының өкілдері орта жолда жарыстан шығып қалды. Қазір «Астана» Испаниядағы оқу-жаттығу жиынын өткізіп жатыр.