Футзалдан Қазақстан чемпионаты тамызда жалғасады

Қазақстан футбол федерациясы футзалдан 2019/2020 жылғы Қазақстан чемпионатының қайта жандануы кем дегенде 1 тамызға қалғанын мәлім етті деп хабарлайды Prosports.kz «Қайрат» АФК-ның Инстаграмдағы парақшасына сілтеме жасап.

«Эпидемиологиялық жағдайдың күрделене түсуі мен коронавирус инфекциясының көбеюін ескере отырып, ҚР Мәдениет және спорт министрлігінің хаты негізінде, ҚФФ басшылығы футзалдан Қазақстан чемпионатының қайта жандануын 2020 жылғы 1 тамызға қалдырды», - делінген федерацияның хабарламасында.

Еске сала кетейік, бастапқыда Қазақстандағы футзал маусымы 3 шілдеде жалғасады деп жоспарланған. Ұлттық біріншіліктің қалған барлық матчтары Нұр-Сұлтанда өтуге тиіс.