«Карантин - ерекше құбылыс». Игитаның бос уақыты жаттығумен өтеді
Қазақстанның және әлемнің спорт жаңалықтарына жазылыңызФутзалдан әлемнің үздік қақпашысы Игита карантинде уақытын қалай өткізіп жатқанын айтты, деп хабарлайды Prosports.kz алматылық «Қайраттың» баспасөз қызметіне сілтеме жасап.
COVID-19 пандемиясына байланысты, үйде карантинде отырған «Қайрат» қақпашысының іші еш пыспайды. Бұл туралы Игита өзінің сұхбатында айтты.
«Карантин - бұл ерекше құбылыс. Біз үйде отырмыз және бос уақытымыздың барлығын жаттығумен өткіземіз. Біздің көптеген тренажерларымыз мен әртүрлі жаттығу жабдықтарымыз бар.
Менің мақсатым - бұрынғы бабыма оралу. Жарақаттанған кезде ерекше ынтамен және байыпты жұмыс істеймін.
Менің қызым барлық мектеп оқушылары сияқты мектепте қашықтықтан білім алады. Әйелім үйде. Біздің серуендеуіміз тек азық-түлік дүкендеріне бару арқылы ғана шектеледі. Біз, қазақстандықтар жақын арада бұл вирусты жеңіп, елде бәрі өз орнына келеді деп сенемін», - дейді Игита.
Еске сала кетелік, 26 наурызда Игита төртінші рет әлемнің үздік қақпашысы атағын жеңіп алды. Бұған дейін ол 2015, 2016, 2018 жылдары құрметті марапатқа ие болған.