Әлімханұлы мен Ербосынұлының Канададағы жекпе-жегі кейінге қалды

28 наурызда Канаданың Квебек қаласында бокс кеші өту керек еді. Бірақ ұйымдастырушылар коронавирустың өршуіне байланысты бокс кешін өткізуден бас тартты, деп жазады<span> </span>Prosports.kz.

Бұл кеште қазақстандық боксшылар Жәнібек Әлімханұлы мен Айдос <span>Ербосынұлы өнер көрсетуі керек болатын. Жәнібек </span><span>ганалық боксшы Исса Самирмен (18-0, 15 КО), Айдос канадалық Тим Кронинмен жұдырықтасады деп жоспарланған. Ал кештің басты жекпе-жегінде ресейлік Артур Бетербиев пен қытайлық Фаньлун Мэн кездесуі керек еді. </span>

<span>Бокс кешінің өтпейтіні туралы Әлімханұлы инстагарм парақшасында жазды. </span>

<span>- Қадірлі жанкүйерлер, жекпе-жегімді асыға күтіп отырған ағайын! Өкінішке орай 28 наурызда Канадада өтетін жекпе-жек кейінге қалды. Коронавирустың салқыны біздің жекпе-жекке де тиді. 3 ай қан мен тер шығарып, қызу дайындалып, жақсы формаға кіріп едік. Мықты спаррингтер жасап, QAZAQ STYLE-ды шыңдап, шоу көрсетуге дайын болғанбыз. Бірақ Топ ренк спортшылардың денсаулығы маңызды деп шешті. Біздің ғана емес наурыз бен сәуірде өтетін бүкіл жекпе-жектер тоқтатылды. Бұйыртса жарқын күндер алда. Біз сіздермен бірге QAZAQ STYLE-ды тарихта қалдырамыз, - деп жазды Жәнібек.</span>

<span> <br /></span>