ҚПЛ ең тәртіпсіз чемпионаттардың тізімінде 45 сатыға жайғасты

Қазақстан Премьер-лигасы Халықаралық спорттық зерттеу орталығының (CİES) түзген рейтингінде 45-сатыға жайғасты.

Ең тәртіпсіз чемпионаттардың көшін Боливия біріншілігі бастады. Бұл елде бір матчта орта есеппен 7,01 қызыл және сары қағаз көрсетіледі екен. Ал бір ойында 2,26 қағаз көрсетілетін Жапония чемпионаты ең тәртіпті атанды.

ҚПЛ сары қағаз саны бойынша 46, қызыл қағаз саны бойынша 43 орынға тұрақтаған.