«Барыс» сырт алаңда «Адмиралды» жеңді

<span class="s1">Құрлықтық хоккей лигасының кезекті ойынында «Барыс» хоккей клубы сырт алаңда «Адмирал» командасымен кездесті, деп хабарлайды Prosports.kz</span>

<span class="s1">Қазақстандық команда плей-офф бәсекесіне ерте шығып қойғандықтан сырт алаңдағы соңғы екі ойынға жастар араласқан құрамды жіберуді жөн шешті. Негізгі құрам ойыншыларының басым көпшілігі плей-офф алдында демалып жатыр. </span>

<span class="s1">Владивостокта өткен кездесу 3:1 есебімен қазақстандық команданың пайдасына аяқталды. Бірінші кезеңде Скабелка шәкірттері үш бірдей жауапсыз шайба соқты. Екінші кезеңде алаң иелері бір шайба соғып, есеп айырмасын қысқартты. Үшінші кезеңде шайба соғылмай , 1:3 есебі сақталып қалды. «Барыстың» жастар араласқан құрамы ұятқа қалдырған жоқ. </span>

<span class="s1">«Барыс» 61 ойыннан кейін 84 ұпаймен Шығыс конференциясында екінші орында тұр.</span>

<span class="s1">Биылғы маусымдағы соңғы ойынын елордалықтар Хабаровск қаласында «Амур» хоккей клубына қарсы өткізеді.</span>