Азия чемпионаты: Нұрғиса Әділетұлы алтын медаль алды
Қазақстанның және әлемнің спорт жаңалықтарына жазылыңызТашкентте (Өзбекстан) ауыр атлетикадан жасөспірімдер арасында Азия чемпионаты өтіп жатыр, деп жазады Prosports.kz.
Бүгін Қазақстан құрамасының қоржыны тағы бір алтынмен толықты.
89 келі салмақта сынға түскен Нұрғиса Әділетұлы 360 (165+195) келіні бағындырып, алтын медаль жеңіп алды.
Бұл салмақта күміс медаль оңтүстік кореялық Енг Хунге 324 (142+182) келі, үшінші орын жергілікті спортшы акимжон Шамшитдиновке 323 (144+179) бұйырды.
Ал 81 келі салмақта қазақстандық Сапи Есенкелді қола жүлдегер атанды. Оның нәтижесі 311 келі (134+177) болды. Бұл салмақта 344 (156+188) келі зілтемірді көтерген өзбекстандық Сарварбек Зафарджонов топ жарды. Күміс жүлде алаң қожайындары Мухамадкодыр Тоштемировке 343 (161+182) бұйырды.