Аслан Дарабаев: «Красножан футболшыларды еркін ойнатады»

Қазақстан мен әлем спортындағы ең қызық жаңалықтарды бірінші болып біл

Биылғы маусымда «Қайраттың» қарқыны күшті. Біздің тілшіміз алматылық команда сапында көркем ойынымен көзге түсіп жүрген Аслан Дарабаевтан сұхбат алды.    – Былтырғы маусымнан кейін «Шахтерда» қалмаймын деп шешім қабылдадың, бұған не себеп болды? –Кумыковтың ойын өрнегінде үйлесім таппадым. Әрине, ол мені алаңға жиі шығаратын, бірақ өзімді негізгі құрам ойыншысы ретінде сезіне алмадым.   – Сіздің футболшы ретінде өсуіңізге Вайсс мырзаның қосқан үлесі қанша? –Тактикалық, жаттығу мен ұйымдастырушылық қырынан мықты. Премьер-лиганың көп футболшылары бізде ойнағысы келеді. Өйткені олар біздің жаттығу үдерісі мен методикамызға қызығады. Сондықтан біз бірінші орында келе жатырмыз. – Владимир Владимирович жайлы пікіріңіз қандай? – Өз мақсатына жету жолында аянбай тер төгетін кісі. Оның қазіргі арманы –  ел чемпионатын ұту. – «Қайрат» сапында бәсекелестік анық байқалады. Бір позицияға бірнеше үміткер бар... – Неғұрлым көп ойнасаң, соғұрлым өз-өзіңе сенімділік арттады. Жас кезімде мені алаңға шығармаса ренжитінмін. Уақыт өте көзқарасымды өзгерттім. – Ел чемпионатының басында «Қайрат» үш турда қатарынан жеңілген болатын. Неліктен деп ойлайсың? – Жауапкершілік пен қысым себеп болды. Себебі, биыл «Қайрат» өзінің алпыс жылдығын тойлауда. Қайтсе де жеңіске жету маңызды болды.  – Бір кездері «Вайссты орнынан алып тастау керек» деген пікірлер туған... – Иә. Не болса да біз Владимир Владимировичке қолдау көрсетер едік. <img alt="" src="/cms/uploads/images/IMG_4250(1)(1).JPG" style="width: 600px; height: 400px;" /> – «Шахтер» мен «Ақтөбеде» ойнағанында жеңіпаз қатарында болдыңыз. «Қайратпен» бірге кезекті чемпиондыққа дайындалып жатқан боларсыз? – Құдай қаласа, алтын аламыз. Чемпион атануға барлық мүмкіндігіміз бар. – «Қайрат» сіздің бұрынғы екі командаңызға жалпы саны 13 гол соққан екен. Қарсыластар әлсіреді ме, әлде «Қайрат» мықты боп кетті ме? – Команданың қарқыны күшті бүгінгі таңда. Қарсыластарымыз жайлы айтатын болсақ, «Шахтерде» қаржылық қиындықтар туған. Ал «Ақтөбе» туралы ештеңе айта алмаймын. – Еуропа лигасындағы «Қайраттың» ойынына баға берсеңіз? – Қосалқы құрамдағы мықты ойыншылардың аз болуынан ұтылып қалдық. Бұған қоса үш бірдей турнирде өнер көрсетіп келе жаттық. Өте ауыр болды. – «Эсьбергті» өтуге болушы ма еді? – Әрине, «Эсбьергке» шамамыз жетер еді. Психологиялық тұрғыда шаршап қалдық. – Еуродада ойнаған тәжірибелі ойыншысың. «Шахтер» сапында былтырғы маусымнан кейін «жұлдыз ауыруына» шалдыққан ойыншылар болды ма? – Ешкім жұлдызды аурумен ауырған жоқ. Командамыз ұйымшыл болатын. – Жуырды Кумыков Джидичті командадан қуған болатын.  Сіздің ойыңызша, бұл дұрыс шешім бе? – Олардың неліктен ұрысқанын білмеймін. Сондықтан ештеңе айта алмаймын. Алдин – мықты жігіт. Оны командада бәрі құрметтейді. – Естен кетпес сәт – «Селтик Парк»-тегі ойын шығар? – Иә, Албаниядағы ойын да есімде қалды. Бірінші таймның ортасында 3:0-мен ұтылып жатқан едік, Хижниченконың голы арқасында келесі кезеңге шықтық.  – «Хайдуктың» бас бапкері Игор Тудор «Шахтерде» ешқандай ойын жоқ деп мәлімдеген болатын. Сіз мұнымен келісесіз бе? – Иә, келісемін. «Шахтердің» ойыны көбінде стандарттар арқылы жүреді. Бірақ, ең бастысы – нәтиже. Ал, «Шахтер» бұл ойын стилімен қатарынан екі жыл чемпион атанған.   – Красножан туралы сізде қандай пікір қалыптасты? – Красножан футболшыларға алаңда еркін ойнауға рұқсат береді. Бұл психологиялық тұрғыда бізге үлкен көмек. Қиын жағдайларда кеңес беріп, көмектеседі. Жаттығу барысындағы кемшіліктерімізді айтып, ойынымызды жақсартуға тырысады. <img alt="" src="/cms/uploads/images/IMG_5398(1).JPG" style="width: 600px; height: 400px;" /> – Тәжікстанға қарсы ойында сіз екінші таймда орталық жартылай қорғаушы ретінде шыққан едіңіз... – Юрий Анатольевич менен «осы позицияда ойнай аласын ба?» деп сұрады. Мен, «иә» деп жауап бердім. «Қайратта» мен қапталда ойнаймын, ұлттық құрамада – ортада. – Демек, сіз Мирошниченко немесе Шомконы алмастыра аласыз ба? – Жоқ. Бұл менің позициям емес. Олар қорғанысқа жақын ойнайды. Ал мен шабуылға бейімделген ойыншымын. – Сіз үлкен футболға футзалдан ауысқаныңыз рас па? – Иә, менің ең бірінші командам қарағандылық «Тұлпар» болатын. Әйтсе де, өзімді футзалшымын деп санамаймын. Қаржылық тұрғыда «кеншілерден» жақсы ұсыныс түсті, бірден келістім. Бірақ, өзімді тек қана үлкен футболда ғана елістетімін. – Футзалдан үлкен футболға ауысу қиын болмады ма? – Қыс мезгілінде футзал ойнайтынбыз. Ал, жазда үлкен футбол. Сондықтан, аса қиналған жоқпын. – Алғашқы жалақынды не нірсеге жұмсадың? Есіңде ме? – Есімде жоқ. Барлық ақшамды анама беретінмін. – Жақында Алматыға келген әлем құрамасы сапындағы ойыншылардың арасында сүйікті ойыншың болды ма? –Ривалдо, Мальдини мен Дзанеттидің ойыны қатты ұнайтын. Дзанеттидің қырық жасында ойнағанын көріп таң қалдым. Біздің базаға келгенінде онымен танысып, салмақты адам екеніне көзім жетті.

Ошибка в тексте? Выделите и нажмите Ctrl+Enter

Подписывайтесь на cпортивные новости Казахстана и мира

Комментарии

Для того, чтобы оставить комментарий, или