«Жетісу» Қазақстан кубогының финалына шықты

Алматыда футзал бойынша Қазақстан Кубогының алғашқы жартылай финалдық матчы аяқталды, деп хабарлайды Prosports.kz.

«Жетісу» Чемпиондар лигасы Элиталық кезеңінің қатысушысы «Аятты» 4:3(3:1, 1:2) есебімен жеңді.

Талдықорғандықтар 2:1 есебімен алғашқы матчта да жеңіске жеткен болатын. Қос кездесу қорытындысы бойынша «Жетісу» 6:4 есебімен рудныйлықтардан басым түсіп, финалға шықты.

Финалға беретін екінші жолдама үшін бүгін «Қайрат» пен «Ақтөбе» командалары таласады.