Бекзат Нұрдәулетов жылдың үздік боксшысы атағын жеңіп алды
Қазақстан бокс федерациясы биылғы маусымды қорытындылап, жыл үздіктерін анықтады деп хабарлайды Prosports.kz сайты.
<span>Жылдың үздік боксшысы атағын Бекзат Нұрдәулетов жеңіп алды. 21 жастағы маңғыстаулық боксшы биыл Екатеринбургте өткен әлем чемпионатында топ жарған болатын. </span>
<span>2019 жылдың үздік боксшысы атағын қарағандылық Милана Сафронова да иеленді. Ол биыл әйелдер боксынан әлем және Азия чемпионаттарында жүлдегер атанған. </span>
<span>Үздік жас боксшы атағын жастар арасындағы Азия чемпионы Махмұд Сабырхан еншілесе, жастар командасының үздік жаттықтырушысы атағына Махмұдтың бапкері Ілияс Оралбек лайық деп танылды. </span>
<span>Қыздар арасындағы үздік жас боксшы атағын Азия чемпионы Анель Сақыш жеңіп алды. </span>
<span>Үздік федерация атағына Маңғыстау облысы ие болса, үздік төреші атағын халықаралық дәрежедегі төреші Ғани Ысқақов иеленді. </span>