«Интелли» - «Чонбури» 9:1. Бразилиялықтар шеберлік сабағын өткізді

<p> <strong>Әлем суперкубогының жартылай финалында жолдары болмаған бразилиялық &laquo;Интелли&raquo; мен таиландтық &laquo;Чонбури&raquo; өзара үшінші орынға таласты. Нәтижесінде былтырғы Құрлықаралық кубоктың қола жүлдегерлері биыл да сол тұғырдан көрінді. </strong></p> <p> &nbsp;Кездесу &laquo;Интелли&raquo; ойыншылары үшін сәтті басталды. Ә дегеннен ойынды өз қолдарына алған бразилиялықтар матчтың алғашқы минутында Кайудің көмегімен есеп ашты. Ойын тағдырын ерте шешуді көздесе керек, бұл голдан кейін де Цидау шәкірттері шабуылдарын тоқтатқан жоқ. Өз кезегінде &laquo;Чонбури&raquo; футболшылары ұзақ уақыт бойы орландиялықтардың қақпасын мазалай алмады. Көп ұзамай &laquo;Интелли&raquo; басымдығын ұзартты &ndash; 2:0, бұл жолы Маринью көзге түсті. 9-минутта бразилиялықтар есеп айырмасын үш голға дейін ұзарта алды.</p> <p> 12-минутта &laquo;Интелли&raquo; ойыншыларының қателігінен кейін тайландтық Джирауей Сорнвичиан бос қақпаны дәл нысаналай алмады. Бұл Хосе Мария Мендес шәкірттерінің бүгінгі ойындағы ең айтулы шабуылы болатын. Есесіне 14-минутта &laquo;Интелли&raquo; Жексон голының арқасында тоблодағы көрсеткішті 4:0-ге жеткізді. Араға төрт минут салып, командалар арасындағы есеп бес голға ұзарды. Кабреуваның еншісінде - дубль.&nbsp;</p> <p> Үзілістен кейін &laquo;Интелли&raquo; ойыншылары Тирауей Кхумариянг қақпасына екі минутта қос гол соғып, есепті 7:0-ге жеткізді. Қанша тырысып баққанымен таиландтықтардың шабуылда ісі өнбеді. Азия чемпиондары әлем мықтыларының қарқынына төтеп бере алмаған сыңайлы. Ал ойынның алғашқы бөлігінде-ақ айқын басымдыққа ие болған Оңтүстік Америка өкілдері қалған уақытта көрермендерге әдемі дә әсерлі футбол көрсетумен болды. Бұған &laquo;Чонбури&raquo; ойыншылары да қарсылық көрсеткен жоқ. 34-минутта &laquo;Интелли&raquo; айналдырған 15 секундтың ішінде Кхумариянг қақпасын екі рет дәл көздеді &ndash; 9:0. 36-минутта азиялықтарға &laquo;Интелли&raquo; ойыншыларының өздері көмекке келді &ndash; әуедегі допты бразилиялықтар өз қақпасына тоғытып, &laquo;Чонбуридің&raquo; пайдасына бір гол соғып берді. Бұл автоголдың авторы Кайу болатын. Осылайша қорытынды есеп &ndash; 9:1. &nbsp; &nbsp; &nbsp; &nbsp;&nbsp;</p> <p> <strong>&laquo;Интелли&raquo; (Бразилия)&nbsp;&mdash; &laquo;Чонбури&raquo; (Таиланд) 9:1 (5:0)&nbsp;</strong><br /> <strong>Голдар:&nbsp;</strong>Кайу&nbsp;1 (1:0), Маринью&nbsp;8 (2:0), Кабреува&nbsp;10 (3:0), Жексон&nbsp;14 (4:0), Кабреува&nbsp;18 (5:0), Диегинью&nbsp;21 (6:0), Гадея&nbsp;22 (7:0), Диес&nbsp;33 (8:0), Кабреува&nbsp;34 (9:0), Кайу 37-автогол (9:1)<br /> <strong>Төрешілер:&nbsp;</strong>Хеных (Чехия), Қосмұхамбетов (Қазақстан)&nbsp;<br /> <strong>03.10.2014. Алматы. Балуан шолақ атындағы спорт сарайы. &nbsp;</strong></p> <p> &nbsp;</p>