«Қайрат» АФК бас бапкері: Біз ешқашан шегінбейміз

«Қайрат» футзал клубының бас бапкері Пауло Рикардо Кака Instagram желісіндегі жеке парақшасына пәлсапалық пост жазды, деп хабарлайды Prosports.kz.

Айта кетелік, алматылық клуб қараша айының 21-24 аралығында УЕФА Чемпиондар лигасының элиталық кезеңінде испаниялық «Эль-Посо» және португалиялық «Бенфикаға» есе жіберіп, финалдық турнирден тыс қалып қойған болатын

«Бапкер мамандығы. Бұл мен таңдаған мамандық, құдайдың маған бұйырған мамандығы. Күнделікті өзіңді өзің ұстау және талдау (мен бұл туралы досым Маркос Соратодан естідім). Сіздің эмоцияларыңыз америкалық горкада ұшатын сияқты - эйфорияның шыңынан бастап, күйзеліске түсуге дейін. Тұрақты шешімдер - шағын және үлкен шешімдер, стратегиялық және жергілікті шешімдер. Бүкіл маусымның нәтижесіне немесе жеке жаттығудың сәттілігіне әсер ететін. Өмірге әсер ететіндері де бар. Сіздің және сіздің отбасыңыздың, ойыншылар мен олардың жақындарының, клубтағы ондаған адамдар, жүздеген және мыңдаған жанкүйерлердің. Жеңіс шешімдердің дұрыс екенін білдіреді. Жеңіліс тапсаң, одан сабақ алып қатені іздеңіз.

Спорт заңы қатал. Оны бұзғаның үшін ол кешірмейді. Бірақ бұл адал және әділ заңдардың жиынтығы. Біз бәріміз адалдық пен әділеттілік үшін спортқа келдік.

Мен - командаммен егізбін! Кеше менің командам мен маған қатты соққы болды. Біз ұзақ уақыт ауырсынуды сезінеміз, бірақ біз құламаймыз. Біздің оған құқығымыз жоқ. Біздің қолдаған адамдардың алдында тұрып, күресуіміз керек. Енді біз мүмкіндік үшін күресеміз. Келесі маусымда қайтара соққымен жауап беру мүмкіндігіне. Осы мүмкіндікке жету жолында бәрін жасаймыз. «Біз шегінбейміз!» - бұл сәуірде Чемпиондар лигасының финалындағы ұранымыз болды! Соққыға төтеп бергенше «Біз шегінбейміз!» - біздің ұранымыз болады», деп жазды Кака.