«Қайрат» италиялық «Песароны» жеңді

«Қайрат» футзал клубы Чемпиондар лигасы элиталық кезеңіндегі екінші ойынында италиялық <span>«Песаро</span>» командасымен кездесті, деп хабарлайды Prosports.kz. 

Алматы қаласындағы Балуан Шолақ атындағы спорт сарайында өткен ойын 4:3 есебімен алаң иелерінің пайдасына аяқталды.

«Қайрат» кеше испаниялық «Эль Посо» командасынан 1:4 есебімен жеңіліп қалған еді. Ал <span>«Песаро» болса «Бенфика» қақпасына бес гол соққан. Сол үшін де италиялық команда бүгін жеңіске жетіп, соңғы турда «Эль Посомен» финалдық кезеңге берілер жалғыз жолдамаға таласқысы келген. Алайда алаң иелелері жеңіске жетті. </span> 

«Қайрат» топтағы келесі матчын «Бенфикаға» қарсы өткізеді. 

УЕФА Чемпиондар лигасы – 2019/2020. Элиталық раунд. С тобы. 2-тур

«Қайрат» - <span>«Песаро</span>» - 5:3

«Қайрат»: Игита (Қ, К), Нұрғожин, Ранжел, Диего, Тайеби, Дуду (Қ), Габриэл, Эдсон, Леннон, Есенаманов, Тұрсағұлов, Дуглас, Оразов, Луизиньо.

«Песаро»: Миарелли (Қ), Салас, Онорио, Таборда, Марселиньо, Дионизи (В), Джонсон (Қ), Кардуччи, Тонидандел (К), Гава, Фортини, Борруто, Канал, Де Оливейра.