Михаил Соловьев: «Бар ойымыз – қарсыласымыз Германияда»

<p style="text-align: justify;"> <strong>&laquo;Еуро-2015&raquo; іріктеу додасының ойындарына жаттығуларын бастап кеткен Қазақстан жасөспірімдер құрамасы&nbsp;(U-19)&nbsp;бүгінде Талғардағы базада дайындықтарын пысықтауда.&nbsp;</strong></p> <p style="text-align: justify;"> <strong>Қазанның 1-і күні таңертеңгі жаттығудан кейін Қазақстан футбол федерациясының тілшілері жасөспірімдер құрамасының (U-19) аға бапкері Михаил Соловьевпен сұхбаттасқан еді.</strong></p> <p style="text-align: justify;"> - Іріктеу додасында бізбен бір топқа түскен командалардың қаншалықты қарымды екендіктерін футболшылардың барлығы да жақсы түсінеді, - деп бастады Михаил Соловьев. &ndash; Германияның өзі не тұрады. Ал өз алдымызға біз келесі себетке өту үшін неғұрлым көп ұпай жинауымыз керек деген мақсат қойдық. Енді қазанның 4-і күні екі командаға бөлініп спаррингтік матч өткіземіз де Ригадағы іріктеу додасында өнер көрсететін негізгі құрамды іріктейміз. Жалпы, күніне екі реттен жаттығу жүргізіп жатырмыз. Барлығы да жұмыс жағдайында жүріп жатыр.</p> <p style="text-align: justify;"> <strong>-&nbsp;Санкт-Петербургте өткен Гранаткин мемориалында латыштармен кездескенсіздер. Бұл командадан ұпай алуға шамамыз жете ме?</strong></p> <p style="text-align: justify;"> - Біз Латвия құрамасының жайын жақсы түсінеміз. Дегенмен, қазіргі бар ойымыз &ndash; алғашқы кездесудегі қарсыласымыз Германияда.</p> <p style="text-align: justify;"> <strong>- Шәкірттеріңіздің дайындықтары жайлы не айтасыз?</strong></p> <p style="text-align: justify;"> - Жігіттердің ойын дайындықтары жақсы. Іріктеу ойындарына дайындықтары да жоғары дәрежеде. Бәрі де зор ынтамен жаттығып жүр. Ешкімге де мін таға алмаймын.</p> <p style="text-align: justify;"> <strong>- Оқу-жаттығу жиынының Талғардағы базада өтіп жатқаны қаншалықты маңызды?</strong></p> <p style="text-align: justify;"> - Мұнда футболшыларға жасалған жағдай өте керемет, бәрі де үйдегі жағдай секілді. Ешкім де жаттығуымызға кедергі келтіріп жатқан жоқ. Бір сөзбен айтқанда, алдағы ойындарға дайындалу үшін барлық жағдай жасалған.</p> <p style="text-align: justify;"> Естеріңізге сала кетейік, қазанның 7-сі күні Қазақстан жасөспірімдер құрамасы Ригаға ұшады. Ал қазанның 9-ы мен 14-і аралығында Латвия астанасында &laquo;Еуро-2015&raquo; іріктеу додасы өтіп, онда Қазақстан жасөспірімдері Германия, Аустрия және Латвия командаларына қарсы ойнайды.</p> <p style="text-align: right;"> <span style="font-size:14px;"><em>kff.kz</em></span></p>