Жас спортшы гимнастикалық сырықтан құлап, қаза тапты

Жаттығу кезінде 20 жастағы америкалық гимнаст Мелани Коулман жарақат алып, артынша көз жұмды, деп хабарлайды Prosports.kz сайты Eurosport.ru порталына сілтеме жасап.

8 қараша күні Мелани гимнастикалық қоссырықтан құлап, омыртқасын жарақаттап алады. Дереу арада ауруханаға жеткізілген ол 11 қараша күні жан тәсілім етті.

Коулман олимпиялық атлеттердің мемлекеттік бағдарламасына қатысқан.