Розье: Головкин қарымта кездесуге келісер деп үміттенемін

Украиналық боксшы Сергея Деревянченконың (13–2, 10 КО) бапкері Андре Розье Геннадий Головкинмен (39–1–1, 35 KO) қарымта матчты қалайтынын айтты, деп жазады Prosports.kz. (39–1–1, 35 KO).

«Деревянченко – менің жақсы көретін боксшыларымның бірі. Ол маған ұнайды. Біз әріптестік туралы уағдаласқанда, мен оны ешуақытта тастамайтынымды айтқанмын. Сергейдің құдай берген дарыны бар, ол үнемі жымиып жүреді.

Деревянченко келесі жекпе-жегінде қаншалықты мықты екенін дәлелдейді. Біз «Канеломен» кездескіміз келген, алайда оның 160 фунтқа оралуы екіталай. Головкин қарымта кездесуге келісер деп үміттенеміз.

Головкин «Канелодан» қарымта қайтарғысы келеді. Бұл жекпе-жек тек ақша табу үшін ғана керек сияқты. Біз өзіміздің жеңілісімізді жеңіспен жапқымыз келеді. Бұл әділетті дүние болар еді», деді Розье.

Еске сала кетелік, 6 қазан күні Геннадий Головкин Сергей Деревянченконы төрешілер шешімімен жеңген болатын.