Vino Astana Motors велошабандозы Малайзиядағы жарыстың екінші орнында келеді

Қазақстандық Vino Astana Motors велокомандасы Малайзиядағы Tour of Peninsular көпкүндік велобәйгесіне қатысып жатыр, деп хабарлайды Prosports.kz.

Қазақстандық ұжымның екі велошабандозы «патшалық» кезеңде үздік ондыққа кірді. Игорь Чжан 7-нші, Степан Астафьев 8-нші орыннан көрінді.

Жалпы кестеде Чжан екінші орынға шықты, ол Kinan Cycling Team командасының спортшысы, көшбасшы испаниялық Маркос Гарсиядан 3 минут екі секундқа қалып келеді.

19 қазанда Tour of Peninsular жарысының бесінші, соңғы күні аяқталады.