Тректегі велоспортан Азия чемпионаты: Жасөспірімдер екі қола еншіледі

Оңтүстік Кореяның Сеул қаласында өтіп жатқан тректегі велоспорттан Азия біріншілігінде қазақстандық жасөспірімдер екі мәрте жеңіс тұғырына көтерілді.

Жасөспірім ұлдар командалық із кесу жарысында үздік үштікке енді. Александр Бекенов, Дмитрий Потапенко, Дмитрий Носков және Бауыржан Жапаұрлынан құралған төрттік Корея мен Қытайды алдыға салып, қола жүлдегер атанды.

Жасөспірім қыздар арасындағы бәсекеде Ульяна Сухоребрик, Кристина Титовская, Кристина Стужник және Ақпейіл Өсім қола медальға қол жеткізді. Із кесу жарысындағы алтын мен күміс жүлдені Оңтүстік Корея мен Қытай командалары иеленген.