«Оқжетпеске» жаңа бас бапкер келді

«Оқжетпес» футзал клубын енді 36 жастағы қазақстандық маман Асхат Алжақсин баптайды.

Семей футболының түлегі Асхат Алжақсин үлкен футболда «Елімай-2» (Семей), «Семей» және «Семей-2» командаларында доп тепкен. Ал футзалда «Цементник» (Семей), «Аят» (Рудный), «Ұшқын-Искра» (Астана), «БТА Футзал» (Алматы), «ОзенМунайГаз» (Жаңаөзен) және «Ақтөбе» командаларында өнер көрсетті.

Ол Қазақстан чемпионатының төрт дүркін қола жүлдегері, Қазақстан Кубогының күміс жүлдегері және Қазақстан Кубогының қола жүлдегері.

Бапкерлік мансабында ЦСКА футзал клубының бас бапкері қызметін атқарды. Одан бөлек Қазақстан ұлттық құрамасының бұрынғы бас бапкерінің көмекшісі болып жұмыс істеді.