ҚР Президентінің жүлдесіне БАҚ арасында шағын футболдан мини-турнир өтеді

2019 жылдың 30 тамызында Нұр-Сұлтан қаласында "Астана Арена" стадионында ҚР Конституция күніне орай тұңғыш рет БАҚ өкілдері арасында Қазақстан Республикасы Президентінің жүлдесі үшін шағын футболдан республикалық турнир өтеді.

Турнирдің мақсаты – БАҚ қызметкерлері арасында салауатты өмір салтын насихаттау, әріптестік және достық қарым-қатынасты нығайту.

<span>Жарысты ұйымдастырушы: ҚР Президентінің Баспасөз қызметі</span><span>, ҚР Мәдениет және спорт министрлігі</span>

<span>Жарыстың өтетін орны: Нұр-Сұлтан қаласы, "Астана Арена" стадионы;</span>

Жарыстың жалпы ережесі:

- Жарыс 2019 жылдың 30 тамызында, "Астана Арена" стадионында өтеді.

- Турнирге еліміздің БАҚ өкілдерінен құралған шығармашылық топ командалары қатыса алады.

- Турнирге барлығы 32 команда қатыса алады, өтініштерді қабылдау мерзімі 2019 жылдың 27 тамызына дейін.

Жеңімпаз және жүлдегер командалар, сондай ақ, арнайы номинациялар бойынша үздік атанған ойыншылар үшін қаржылай сыйлық бар.