Әлемдік велоспорт жұлдыздары Алматыға келеді

<span>Алматыда өтетін веложарысты әлемнің 60 елінен көрермендер тамашалайтын болады. Бұл туралы ҚазАқпарат Қазақстан велоспорт федерациясының баспасөз қызметіне сілтеме жасап хабарлайды. </span>

<span>30 тамызда Орта Азиядағы ең ірі веложарыс саналатын Tour of Almaty басталады. Қысқа уақыттың ішінде жанкүйерлері мен туристер арасында үлкен қызығушылық туғызған сайысты «Eurosport» арнасы арқылы әлемнің 60 елінде көруге болады. </span>

<span>Ұйымдастырушылардың айтуынша, үшінші рет өтетін халықаралық кәсіби веложарыс екі күнге созылмақ. </span>

<span>«UCI 2.1 санаты бойынша қатысушылардың саны жылдан жылға көбейіп келеді. Биыл бірінші кезең «Алматы Арена» мұз сарайында басталады. Қатысушылар 30 тамызда жарысқа шығып, «Индустриялық парк» аумағымен 118, 6 шақырымды басып өтеді. 31-ші тамыз күні 160 шақырымдық «Road to Medeu» кезеңі басталады», - делінген федерцияның мәліметінде. </span>

<span>Бұған дейінгі Tour of Almaty жарыстарына дат шабандозы Якоб Фульсанг пен испандық Луис Леон Санчес секілді жұлдыздардың бағы жанған болатын.</span>