«Қайрат» жаңа маусымға арналған мақсаттарын жариялады

«Қайрат» футзал клубының жетекшілері Қайрат Оразбеков пен Игорь Мажинов командаға жаңадан келген ойыншыларды таныстырды және алдағы маусымға мақсаттарды айтты, деп хабарлайды Prosports.kz

Еліміздің ең үздік клубы алдағы маусымда ел чемпионатын, Қазақстан кубогы мен суперкубогын жеңіп алуды мақсат етіп отыр. Сонымен қатар, УЕФА Чемпиондар лигасының финалына шығуды да негізгі мақсат етеді.

Команданың бас бапкері Кака ойыншыларға арнап сөз сөйледі. Клуб басшылары мен бапкерлер алқасы команданың өте тығыз жұмыс кестесі туралы айтып, клубтың әр мүшесі өз мақсаттарына жету үшін бар күш-жігерін салады деген үміттерін білдірді.