«Қайрат» Қазақстан құрамасының қос ойыншысын қатарға қосты

«Қайрат» футзал клубы Қазақстан ұлттық құрамасының қос ойыншысын қатарға қосты, деп хабарлайды Prosports.kz.

Енді Нұрсұлтан Пиялы мен Альберт Акбаликов еліміздегі ең үздік клубтың сапында доп тебеді.

Альберт Акбаликов «Ақтөбе» сапында үлкен жетістіктерге жетті. Атап айтқанда, Қазақстан Кубогын жеңіп алды және ұлттық чемпионаттың күміс жүлдегері атанды. Сонымен қатар, Альберт 2018 жылғы Еуропа чемпионатына қатысатын құрамға енді. Өткен маусымда Қазақстан чемпионатының 19 матчына қатысып, 9 гол соқты.

Нұрсұлтан - ел чемпионатында өзін жоғары деңгейде көрсете білген елдегі ең келешегі зор жас таланттардың бірі. Өткен маусымда 21 жастағы ойыншы «Жетісу» сапында 24 матчқа қатысып, 11 гол соқты. Осылайша талдықорғандық клубтың чемпионатта қола медаль жеңіп алуына көмектесті.

«Қайрат» оқу-жаттығу жиындарын бастайды