Қазақ хоккейшісі өзбек командасына ауысуы мүмкін

Қазақстандық хоккейші Дінмұхамед Жанғарашев Қытайдың «Ценг Тоу» командасының орнына өзбектің «Хумосына» қаралымға кетті.

Өткен маусымда жас қорғаушы «Бингхэмтон Джуниор Сенаторз» командасының сапында ойнап, 44 матчқа қатысқан. 

Ташкенттің «Хумо» командасы келесі маусымнан бастап Жоғарғы хоккей лигасында бақ сынайтын болады.

Айта кетейік, бұған дейін Қытайдың «Ценг Тоу» командасында бірнеше қазақстандық ойыншылар, атап айтқанда Әмір Әділжанов, Дидар Түспеков, Азат Тұрсынханов және Темірлан Ескендіров қаралымнан өтетіні белгілі болған еді.