2021 жылғы әлем біріншілігі Киевте өтуі мүмкін

Футзалдан 2021 жылы өтетін әлем чемпионатын Украина астанасы қабылдауы мүмкін. Бұл ақпаратпен Киев футзал федерациясының басшысы Сергей Харченко хабарлады.

- 2021 жылы жаһан біріншілігін кім қабылдайтыны жайлы әлемдік ұйым жақын күндері шешім шығарады. Киевтың басты қарсыласы - Cенегалдағы Дакар қаласы - деп жазды Харченко.

Айта кетейік, Қазақстан ұлттық құрамасы Колумбияда өткен соңғы әлем біріншілігіне қатысып, болашақ чемпиондар Аргентина бақ сынаған топтан шығып, 1/8 финалда Испанияға жол берген еді.