«Астана» шабандозы «Критериум Дофине» көпкүндігінде топ жарды

«Астана» велокомандасының шабандозы Якоб Фульсанг Франция жерінде өткен «Критериум Дофине» көпкүндігінде бірінші орын алды.

Отандық команданың өкілінің жеңісіне оның «патшалық» кезеңдегі нәтижесі себеп болды. Ол кезеңде дат елінің азаматы мәреге екінші болып келген. Шешуші кезеңде бірінші орынға таластағы басты қарсыласы Адам Йейтс, Фульсангтан бес минут артта келді. Mitchelton-Scot командасының намысын қорғайтын Адам жеңіске жетпек түгілі, алғашқы ондыққа енбей қалды.

«Критериум Дофине». 8 кезең. Клузе – Шампери. 113,5 км.

1.Дилан ван Баарле (Team INEOS) – 3:05:48

2.Джек Хэйг (Mitchelton-Scott) – жеңімпазбен бірдей уақыт

3.Карл Фредерик Хаген (Lotto Soudal) – +0:50…

8.Алексей Луценко (Astana Pro Team) – +1:59

16.Якоб Фульсанг – +1:59

Қорытынды кезеңнен кейінгі нәтиже:

1.Якоб Фульсанг (Astana Pro Team) – 30:44:27

2.Тиджей ван Гардерен (EF Education First) – +0:20

3.Эмануэль Бухманн (BORA - hansgrohe) – +0:21