«Критериум Дофине»: «Астана» екі кезеңде үздік үштіктен көрінді

«Астана» велокомандасының спортшылары «Критериум Дофине» көпкүндігінде қатарынан екі кезеңде үздік үштіктен көрінді.

Алдымен Якоб Фульсанг көзге түссе, үшінші кезеңде астаналық Давиде Баллерине жүлделі болды. Ирландиялық Сэм Беннетт кезең жеңімпазы атанды. Жалпы есепте бельгиялық Дилан Тенс топ бастап келеді. Екінші орынға француз Гийом Мартен жайғасты. Қазақстандық Алексей Луценко жалпы есепте үшінші орынға көтерілді. Ол көшбасшыдан 20 секунд ұтылып тұр.