«Қайрат» екі бірдей ойыншысымен қош айтыспақ

Маусым аралық үзілісте алматылық «Қайрат» клубы екі бірдей ойыншысымен қош айтысуы мүмкін.

Бір жыл бұрын алматылық ұжымның сапына қосылған Владислав Черномордов пен қақпашы Ринат Умешев командадан кетеді. Биыл ел біріншілігінде 26 ойында 7 гол соққан 23 жастағы Владислав Черномордов та, жас қақпашы Ринат Умешев те Алматыда өткен футзалдан УЕФА Чемпиондар лигасының финалдық кезеңіне қатыспады.

Айта кетейік, бұған дейін «Қайрат» ресейлік «Газпорм-Югра» командасының ойыншысына қызығушылық танытқанын жазған болатынбыз.