Данияр Елеусіновтың жекпе-жегін қай арна көрсетеді

«Хабар» телеарнасы қазақстандық боксшы Данияр Елеусіновтың келесі жекпе-жегін көрсетеді, деп хабарлайды Prosports.kz сайты.

Арнаның бағдарламалар кестесіндегі мәліметке сүйенсек, трансляция 26 мамырда астана уақытымен 6:05-те басталады.

Елеусінов рингке Оксон Хиллдегі (Мэриленд штаты, АҚШ) бокс кеші аясында шығады. Бұл оның кәсіпқой бокстағы жетінші жекпе-жегі болмақ. Алғашқы алтауында жеңіске жеткен, үшеуі – нокаутпен.

Айта кетейік, мамырдың басында Данияр Елеусінов 8 маусымда Геннадий Головкинмен бір кешке жұдырықтасады деген ақпарат шыққан еді. Алайда кейін Головкин Елеусіновтың өз кешінде шыққанын қаламаған.