Қазақстандық саяхатшылар екі айлық велошеруге аттанды

Лондонда халықаралық «Beibitshilik jane birlik. Peace and Unity» велошеруі бастау алды.

Велошеру Қазақстан халқы бірлігі күніне және биылғы Жастар жылына арналған. 

Қатысушылар сапарын Ұлыбритания астанасынан бастады. Олар жеті мемлекетті өтіп, велошеруді 6 шілде күні Астана қаласында аяқтайды. Велоэкспедицияға қатысатын алты адам - Михаил Лим, Дәулет Омаров, Марина Варибрус, Ділмұрат Рахматулаев, Азамат Атантай мен Балжан Балташева ұзақ және күрделі сапарға аттанып, батылдық танытты.