Велотрек. Әлем чемпионатында Қазақстан көш соңында қалды

Польшаның Пружков қаласында велотректен әлем чемпионаты басталды. Біріншіліктің алғашқы күнінде спринттен командалық жарыс өткен болатын. Қазақстан құрамасы іріктеуден аса алмады деп жазады Olympic.kz. 

Максим Налетов, Сергей Пономарев және Павел Воржевтен құралған біздің команда 16 құраманың ішінен ең соңғы орында қалды. 

Ал іріктеу сынында Нидерланд құрамасы бірінші, Франция екінші, Жаңа Зеландия үшінші орынға тұрақтаған. 

Әлем чемпионаты 27 ақпан мен 3 наурыз аралығында өтеді.