Қазақстан құрамасы Хорватиямен жолдастық кездесу өткізеді
Футзалдан Қазақстан ұлттық құрамасы Хорватиямен жолдастық матч өткізеді, деп хабарлайды<span> </span>Prosports.kz.
29 қаңтардан 3 ақпанға дейін Қазақстан құрамасы Алматыда оқу-жаттығу жиыны өткізеді. Осы жаттығу жиыны аясында құрама Хорватияға қарсы қос бірдей жолдастық кездесу өткізеді. Бұның бірі 1 ақпан күні Балуан Шолақ атындағы спорт сарайында, ал екінші ойын 2 ақпан күні «Зенит» спорт кешенінде («Бағанашыл») өтеді.
Сондай-ақ, 1 ақпан күнгі алғашқы кездесу кезінде UEFA Чемпиондар Лигасы төрттік финалының жеребе тарту рәсімі өтеді (кездесу 19:30-да басталады).
Айта кетейік, биыл сәуір айында «Алматы Аренада» футзалдан чемпиондар лигасы төрттік финалы өтеді. Онда «Спортинг» (Португалия), «Интер» (Испания), «Барселона» (Испания) және жергілікті «Қайрат» (Қазақстан) төрттігі бақ сынайды.
Футзалдан Қазақстан құрамасының алдағы жиынына шақырту алғандар белгілі болды:
Қақпашылар: Игита («Қайрат») мен Салауат Байралиев («Ақтөбе»);
Алаңдағы ойыншылар: Дінмұхамбет Сүлейменов, Дәурен Нұрғожин, Шыңғыс Есенаманов, Біржан Оразов, Дәурен Тұрсағұлов, Дуглас, Серік Жаманқұлов, Тайнан (бәрі - «Қайрат»), Альберт Ақбалықов, Нұрбек Қарағұлов, Қайрат Иманалин (бәрі - «Ақтөбе»), Азат Валиуллин («Аят»), Нұрсұлтан Пиялы («Жетісу»);
Бапкерлік штаб: бас бапкер – Паулу Рикардо Фигейра Силва, бас бапкердің көмекшісі – Сергей Коридзе, физикалық дайындық бапкері – Де Соуза Каррильо Луиз Круз, дәрігер – Хосильбек Тағаев, массажшы – Айбек Есалинов, әкімші – Жандос Кеңесов.