«Ақжайық» Орынбордың «Локомотивін» ойсырай ұтты
Қазақстанның және әлемнің спорт жаңалықтарына жазылыңызДопты хоккейден жоғары лига командалары арасында бүкілресейлік жарыста Оралдың «Ақжайығы» Орынбордың «Локомотивін» қабылдады, деп хабарлайды Prosports.kz.
«Жастар» стадионында өткен кездесуде оралдықтар ойынның алғашқы таймында-ақ 3 доп соғып үлгерді. Екінші кезеңде арты-артынан 8 доп соқты. Қорытынды есеп - 11:1.
Осылайша, Оралдың «Ақжайығы» Орынбордың «Локомотивін» тас-талқан етіп жеңіп кетті.
«Ақжайық» хоккейшілерінен, әсіресе, ресейлік легионер Максим Пахомов төрт голдың авторы атанып, ерекше көзге түсті.
Қос команда ертең екінші кездесуін өткізеді.