Хабиб Нурмагомедов танымал тележүргізушінің қолын алмай қойды

Жеңіл салмақта UFC чемпионы Хабиб Нурмагомедов «Матч ТВ» бас продюсері Тина Канделакиден қолына алмағаны үшін кешірім сұрады, деп хабарлайды Prosports.kz

«Синергия» бизнес-форумында ислам дінін берік ұстанатын спортшы әйгілі тележүргізушінің қолын алмай қойды.

Оған ренжіген Тина инстаграм-парақшасында «көпшілік орында діни қызметкер ғана қол алыспайды, не болмаса қол алысуда тұрған еш нәрсе жоқ» деп ренішін білдірген.

Тележүргізуші Нурмагомедовтің бұл қылығын мәдениетсіздікке бағалады.

Кейін Хабиб Нурмогамедтов өз парақшасында Тинадан бұл әрекеті үшін кешірім сұрап, жүргізушіні сыйлайтынын мәлімдеді.