«Қайрат» ресейлік «Синара» командасын жеңді

Чемпиондар Лигасының негізгі кезеңіне дайындық аясында «Қайрат» футзал клубы ресейлік «Синара» командасымен жолдастық матч өткізді, деп хабарлайды prosports.kz сайты клубтың баспасөз қызметіне сілтеме жасап.

Матч 4:2 есебімен Пауло Рикардо Кака шәкірттерінің пайдасына аяқталды. Қазақстан чемпиондарының сапынан ирандық Хоссейн Тайеби мен бразилиялық Ранжел Тайан көзге түсті. Екі ойыншы да қос голдан соқты.

28 қыркүйекте «Синара» мен «Қайрат» тағы бір кездесу өткізеді.