«Алматы туры» веложарысы: Қандай көшелер жабылады
<span>Алматыда өтетін «Алматы туры - 2018» халықаралық кәсіби веложарысы барысында бірқатар көшелер жабылады, деп хабарлайды Prosports.kz ҚазАқпарат порталына сілтеме жасап. </span>
<span>Оңтүстік Астанада 29-30 қыркүйек аралығында өтетін жарыс Орталық Азиядағы ірі спорттық додалардың бірі болып табылады. </span>
<span>Жарыстың тікелей трансляциясын «Eurosport» телеарнасы арқылы 60-тан астам ел тамашалайды. </span>
<span>Ұйымдастырушылардың айтуынша, биылғы жарыста да көшелердегі жол қозғалысы тек велошабандоздар өткен кезде ғана жабылатын болады. Спортшылар тобы өтіп кеткен соң жол қозғалысы қайта жанданады.</span>
29 қыркүйек (бірінші кезең)
<span>Сағат 10:00-де «Алматы туры» жарысының қатысушы командалары таныстырылады. Сол себепті «Астана» алаңында жол қозғалысы 9:30-дан бастап жабық болады. </span>
<span>Жарыс сағат 12:00 шамасында «Астана» алаңынан бастау алады. Бұл кезең барысында спортшылар 26,1 шақырымнан 7 шеңбер жасауы тиіс болады. Бағыты: «Астана» алаңынан бастап Төле би көшесімен Достық көшесіне дейін; Достық көшесімен Сәтбаев көшесіне дейін; одан әрі Назарбаев даңғылына дейін. </span>
<span>Осы бағытпен спортшылар Мұстафин көшесіне дейін жарысады. Қайта айналып Сейфуллин көшесіне келеді. </span>
<span>Одан әрі Сәтбаев-Байзақов-Абай-Желтоқсан-Төлеби көшесімен жүріп өтеді. </span>
<span>Сөйтіп «Астана» алаңында мәреге жетеді. Жарыстың алғашқы кезеңі Астана уақытымен шамамен 16:00-де аяқталады. Сол себепті, 9:30 бен 16:00 аралығында аталған көшелер уақытша жабылып отырады. </span>
30 қыркүйек (екінші кезең)
<span>Екінші кезең 11:00-де «Халық Арена» мұз сарайынан басталады. Спортшылар тобы «Шығыс айналма жолы-әл-Фараби көшесі» бағытымен 4,5 шеңбер жасауы тиіс. </span>
<span>Бұл кезең Тұңғыш Президент паркі-Достық көшесі-Медеу шатқалы маршрутымен аяқталатыны жоспарланған. Аталған жол учаскесінде сағат шамамен 11:00-16:00 аралығында қозғалыс кезең-кезеңімен шектеледі.</span>
<span>Айта кетейік, таңғы 10:00-12:00 аралығында Құрманғазы мен Достық көшелерінің қиылысынан тегін автобустар қатынайтын болады.</span>