Алматыда жүлде қоры 1.8 млн. теңгені құрайтын «Extreme толқыны» өтті

<span>Кеше «Атакент» Қазақстан Іскерлік Ынтымақтастық Орталығы аймағында экстремалды спорт түрлерінен, биден және стритболдан «Extreme толқыны» атты халықаралық спорттық фестивалі өтті, деп хабарлайды ақпараттық және спорттық ХАБ.</span><br /><br /><span>Бұл додаға  5 мемлекеттің - Қазақстан, Жапония, Ресей, Өзбекстан және Қырғызстаннан 1000-нан астам қатысушы өзара мықтыны анықтады.</span>

<br /><span>- Қаламызда экстремалды спорт түрлеріне арналған фестивальді үшінші рет өткізіп отырмыз, бұл шараның бастамашысы - Алматы қаласы Дене шынықтыру және спорт басқармасы. Жыл сайын халықтың осы спорт түрлеріне қызығушылығы артып келеді. Мысалы, егер алғашқы жылы фестивальге 500 жуық әуесқой қатысса, онда екінші рет 900-ден астам спортшы жинадық. Бұл жолы «Extreme толқыны» 1000-нан астам қатысушыларды жинады. Спорттық және ойын-сауық жарыстарына түрлі жас санаттарындағы спортшылар мен бишілер қатысты. Байқауға BMX, скейтбординг, стритбол, граффити және би түрлеріннен - попинг, хип-хоп, брейк данс, вакинг, би көрсетілімдерінің өкілдері қатысты. Жастар осындай іс-шараларға белсенді қатысады, үйдегі  компьютерлік ойындарға қарағанда осылай көңіл көтеруді ұнатады, - деді «Extreme толқыны» фестивалінің ұйымдастырушысы Нұржан Қойшыбайұлы.</span>

<br /><span>Ол сондай-ақ, егер елде экстремалды спортқа ерекше назар аударылса, Қазақстанның осы санаттар бойынша алдыңғы қатарлы елдердің қатарына кіруге тамаша мүмкіндігі бар екендігін алға тартты.</span>

<br /><span>- Елімізде талантты жастарға көп қолдау қажет. Алматы қаласы әкімдігінің қолдауынсыз осындай 1 миллион 800 мың теңге көлемінде сыйақы қоры бар ауқымды іс-шараны жоғары деңгейде ұйымдастыра алмас едік, - дейді Қойшыбайұлы.</span>