Атырауда танымал спортшылардың қатысуымен қайырымдылық веложарыс өтіп жатыр

<span>Бүгін Атырауда қайырымдылық мақсатта веложарыс өтіп жатыр. </span>

<span>Жарысқа спорт саңлақтары, әлемге әйгілі спортшыларымыз, Олимпиада чемпиондары Александр Винокуров, даңқты спортшы Илья Ильин және «Астана» велокомандасының мүшелері қатысуда. </span>

<span>Жарыс өтеді деген хабарлама таратылған 1 ай уақыт ішінде тек онлайн желісі бойынша 900 адам ресми тіркелген. Сонымен қатар тағы 600 адам өз велосипедтерімен келді. «Сонда нобайы 1,5 мыңға жуық адам қатысып жатыр», – дейді ұйымдастырушылар. </span>

<span>Саламатты өмір салтын насихаттау және өңірдегі велоспортты дамытуға арналған шараға даңқты спортшыларымыз да арнайы келген. Қазір жергілікті уақыт бойынша сағат дәл 12:00-де велосипедшілердің алғашқы легі көмбеге жетіп үлгерді. Сонымен қатар қазір дәл осы алаңда үлкен концерт және аукцион ұйымдастырылады. </span>

<span>Қайырымдылық мақсаттағы бәссаудадан түскен қаражат Олимпиадалық резервтегі балалар-жасөспірімдер спорт мектебінің жаңадан ашылған велоспорт бөліміне қажетті құрал-жабдықтар сатып алуға аударылады. Өйткені велоспорт – Атырауда мүлде кенже қалған спорт түрленінің бірі. </span>

<span>Осы балаларға арналған спорт мектебінде алдағы уақыттарда 5-18 жас аралығындағы 80 бала жаттығатын болады. Міне, бүгінгідей шаралар осы велоспорт түрін жаңғыртып, болашақта олимпиада чемпиондарын тәрбиелеуге үлес қосады деген үміт бар.</span><br /><br /><br />