«Баск елдерінің туры». Бильбао екінші кезеңде жетінші орын алды

Испаниялық «Баск елдерінің туры» көпкүндік жарысында екінші кезең мәресіне жетті.

Шабандоздар 152.7 шақырымды басып өтті. Нәтижесінде Quick-Step Floors велоспортшысы Жюлиан Алафилипп үздік атанды. Екінші орын LottoNL-Jumbo командасының өкілі Примож Рогличке бұйырды. Ал үшінші орынға Bahrain-Merida шабандозы Горка Исагирре табан тіреді.

«Астана» сапында мәреге жетінші болып келген Пельо Бильбао үздік нәтиже көрсетті. Ол екінші кезеңнен соң жалпы есепте бесінші орында тұр.