«Астана» Луценконың жағдайы туралы хабарлады

«Астананың» велошабандозы Алексей Луценко Бельгиядағы «Фландрия турында» жарақат алып, ауруханаға жеткізілген болатын.

Велокоманданың Твиттердегі парақшасында хабарланған ақпаратқа сүйенсек, Луценконың жағдайы қазір жақсы.

«Алексей Луценко команда автобусына оралды. Оның еш жері сынбаған, басынан жарақат алмаған. Бірақ оның көп жері қанталап тұр және сол қолы мен екі аяғында жарақат бар. Тез сауығып кет, Алексей», - деп жазылған клуб хабарламасында.