«Манчестер Сити» командасы тағы бір шабуылшы сатып алды

<span>Англиялық «Манчестер Сити»</span><span> командасының биылғы нәтижесі керемет. Англия Премьер лигасында жеке-дара көш бастап келеді. Чемпиондар лигасында да, ел ішіндегі кубоктық бәсекелерде де жеңіске жету мүмкіндіктері жоғары.</span>

<span>Клуб басшылары сонда да қысқы трансфер кезінде көп қаржы жұмсап футболшы сатып алуын жалғастыруда. Кеше ғана «Атлетик Бильбао» командасының орталық қорғаушысы Эмерик Ляпортты қатарларына қосқан еді.</span>

<span>Бұнымен тоқтап қалған «қалалықтар» жоқ. Бүгін АҚШ-тың MLS-інде бақ сынайтын «Нью-Йорк Сити» командасының шабуылшысы Джек Харрисонды да сатып алып отыр. </span>

<span>21 жастағы англиялық футболшы бала күнінде «Ливерпуль» және «Манчестер Юнайтед» клубтарының академиясында тәрбиеленген. 14 жасында АҚШ-қа кетіп, сол жақта ержеткен. </span>

<span>«Нью-Йорк Сити» командасының сапында 61 кездесуде алаңға шығып, 14 гол соғып, 10 нәтижелі пас берген. Әрі Англия жастар құрамасының (U-21) ойыншысы. </span>

<span> «Манчестер Сити» жас шабуылшымен 3,5 жылдық келісімшартқа қол қойып отыр. Бірақ, Харрисон маусым соңына дейін Чемпионшипта өнер көрсететін «Мидлсбро» командасына жалға берілді.</span>