«Қайрат» камбэк жасап, жеңісті жұлып әкетті

Алматылық «Қайрат» Анталиядағы (Түркия) оқу-жаттығу жиыны аясында алғашқы жолдастық матчын өткізді, деп хабарлайды Prosports.kz.

Клуб Болгария чемпионы «Лудогорецпен» кездескен болатын.

Болгариялық команда бірден басымдықты өз қолдарына алып, екі гол соғып тастады – Виргилл Мисиджан дубль жасаған. Бірақ алматылық ұжым есепті теңестіріп қана қоймай, 3:2 есебімен жеңіске жетті. «Халық командасы» сапынан Исаэль, Бауыржан Исламхан мен Самат Сәрсенов қанжығаларын майлады. Сәрсенов матчтағы жеңіс голын 88-ші минутта соқты.

Айта кетейік, «Лудогорецті» қазақстандықтарға жақсы таныс Димитар Димитров жаттықтырады.