Қазақстан құрамасы халықаралық жарысқа қатысады

Футзалдан Қазақстан ұлттық құрамасы Таиландта өтетін халықаралық турнирге шақырту алды.

Былтыр біздің ұлттық құрамамыз Таиландта өткен жарыстың жеңімпазы атанған болатын. Сол кезде жарысқа Таиланд, Иран және Жапония құрамалары қатысқан еді.

Ал биыл ұйымдастырушылар турнирге әлем чемпионы Аргентина мен Африк чемпионы Мозамбикті шақырған. Сондай-ақ, турнир қожайыны Таиланд құрамасы қатысады.

Жарыс 9-12 қыркүйек арасында өтеді.