Алматыда түнгі велошеру өтеді

Шілденің 22-і күні «Спорттық Алматы» жобасы аясында алып шаһарда екінші түнгі велошеру өтеді.<br /><br />Әуесқойлар «Нұрлы Тау» бизнес орталығы маңында 20:30-да жиналып, ұйымдастырушылар атынан бағалы сыйлықтар ойнатылатын лотереяға қатысуға мүмкіндік беретін нөмірлер таратылады. Ал 21:00-де велошеру қатысушылары Әл-Фараби мен Желтоқсан көшелерінің қиылысынан бастап, тұңғыш Президенті саябағына дейін жүретін болады. Жалпы велошабандоздар 9 шақырым қашықтықты бағындырады.<br /><br />Мәреде қатысушылар арасында бағалы сыйлықтар ойнатылып, әдеттегідей, спортшылардың бірі басты сый, велосипед ұтып алу мүмкіндігіне ие болады.<br />Сонымен қатар, Алматы қаласы Дене шынықтыру және спорт басқармасы қатысушыларға арнайы бас киімсіз (шлемсіз) қатысуға тыйым салынатынын ескертеді.<br /><br />Айта кетсек, осы велошеру «Спорттық Алматы» қалалық бағдарламасының қолдауымен 2017-ші жылы жоспарланған 21 велошерудің он үшіншісі болмақ.