Қазақстандық велосипедші Дана Ахметова Алматыда өтіп жатқан жарыс кезінде талып қалған.
Бұл туралы Қазақстан велосипед спортының федерациясы мәлімдеді. 17 жасар спортшы қыз Алматыда өтіп жатқан IV Жастар спорттық ойындарында күн өтіп, талып қалған. Дереу жергілікті №7 ауруханаға алып келген. Алайда Дана төрт күн бойы есін жимай, бесінші күні өмірден өтті.
— Бапкері оны тоқтатып, қолына алған. Дана оны көрген жоқ, тек жаттықтырушысының даусын естіп, соған қарай жүрген. Жедел жәрдем келіп, оны алып кетті. Алайда не себепті екені белгісіз жедел жәрдем көлігі мәреде жарты сағат бойы тұрған. Тек біраз уақыт өткеннен соң оны басқа көлікке салып, аурханаға алып кетті. Аурхухана қатты ауырып, реанимацияға түсті. Баланың басынан күн өткен. Жарыс кезінде алғашқы медициналық көмек көрсету қажет еді, — дейді Дананың ағасы Әмірбек Ахметов.