«Қайраттың» бұрынғы ойыншысы «Барселонаға» ауысты

Алматылық «Қайрат» футзал клубының бұрынғы ойыншысы Лео Сантана «Барселонаға» ауысты.

Сантана 2014 жылдың ақпанынан бері ресейлік «Сибиряк» сапында ойнаған болатын. Бірақ айдың басында клуб басшылығы оны сатылымға қойған еді.

Айта кетейік, Лео Сантана 2012 жылдың қаңтары мен 2013 жылдың қарашасы арасында алматылық клубта ойнаған болатын. Осы уақыт ішінде ол Қазақстанның екі дүркін чемпионы атанып, УЕФА Кубогын жеңіп алған еді.