Нуну Диаш: Бүгін біздің күн болмады

УЕФА кубогының Төрттік финалы мәресіне жетті. Испаниялық «Интер» командасы португалиялық «Спортингті» 7-0 есебімен жеңіп аталмыш турнирдің төрт дүркін чемпионы атанды.

Ойын соңында жеңілген команданың бапкері Нунe Диаш финалдық ойын жайлы айтты.

- Бірден айтайын бүгін біздің күн болмады. Ойын жағынан қарсыластарымыздан кем  түспедік. Алайда сәттілік жетіспеді. Қарсыластардың әрбір шабуылы сәтті аяқталып жатты. Ұйымдастырушыларға алғыс айтамын.  Барлығын керемет ұйымдастырған. Төрттік финалында осал команда жоқ. Ал «Интер» әлемнің үздік ұжымдарының бірі. Ендігі мақсат чемпионаттың ойындарына дайындалып, келесі жылғы Төрттік финалына қатысудың қамын жасау.