Радим Заруба: Қазақстан құрамасына қарсы жігерленіп шығамыз
Футзалдан Чехия құрамасының ойыншысы Радим Заруба Македония құрамасына қарсы жеңісті кездесуден кейін өз ойымен бөлісті.
- Ең алдымен өз командамды осы жеңіспен құттықтаймын. Бүгін жеті гол соққанымызбен ойын қиынға түсті. Біз өз мүмкіншіліктерімізді сәтті қолданып, жеңіске қол жеткіздік. Бүгін командамыз жақсы жұмыс атқардық.
- 11 күні командаңыз Қазақстан құрамасына қарсы ойынайды, сол кездесуде кімнен сескенесіз?
- Біз Қазақстан құрамасына жігерленіп шығамыз. Ойынды зерттеп, олардың әлсіз жерлерін табуға тырысамыз. Қазақстан құрамасында біреуді атап өту мүмкін емес. Себебі олардың көбі бразилиялықтар. Ал бразилиялықтар әрдайым мықты болған.
- Екінші таймда ойын қызып, төрешілерге наразылықтарыңыз көрініп жатты. Сол жайлы айтып өтсеңіз?
- Ия, алайда мен төрешілердің жұмысы жайлы тіс жармаймын. Сондықтан ол жайлы пікір айтпаймын.
Айта кетейік, Еуро-2018 іріктеу кезеңі аясында бүгін Чехия құрамасы Македонияны ойсырата ұтты.