Қазақстан құрамасы Таиландтағы турнирде топ жарды

<p style="text-align: justify;"> <strong>Футзалдан Қазақстан ұлттық құрамасы Таиландта өткен халықаралық турнирде жеңіске жетті.</strong></p> <p style="text-align: justify;"> Банкгогта өткен жарыста Таиланд, Иран, Жапония мен Қазақстан футзал құрамалары бақ сынасқан. Бірінші ойында біздің футзалшылар Азиядағы ең мықты құрамалардың бірі саналатын Иранмен тең түсті - 3:3. Ал екінші кездесуінде жапондарды 9:0 есебімен тас-талқан етті. Кейін турнир қожайындарымен кездескен. Бұл ойында таблода 3:3 есебі тіркелді.</p> <p style="text-align: justify;"> Осылайша, Қазақстан мен Таиланд үш ойынның қорытындысы бойынша 5 ұпайдан жинады. Бірақ доп айырмасы бойынша отандастарымыз әлдеқайда алда болды. Өкінішке қарай, ұлттық құрама капитаны Дінмұхамед Сүлейменов пен қақпашы Дмитрий Шамро жарақат алып қалды. Олардың жарақатынан қашан айығатыны әзірше белгісіз.</p> <p style="text-align: justify;"> Бұл Қазақстан құрамасының алдағы әлем чемпионатына дайындығы аясында болған турнир еді.</p> <p style="text-align: justify;"> Айта кетейік, футзалдан әлем чемпионаты 10 қыркүйек пен 2 қазан аралығында Колумбияда өтеді. Қазақстандық футзалшылар топтық кезеңде Аргентина, Коста-Рика мен Соломон аралдары құрамаларымен кездеседі.</p>