«Формула-1» күнтізбесі белгілі болды

Дүниежүзілік автоспорт кеңесі күнтізбені бекіткеннен кейін «Формула-1» басшылығы 2027 жылғы әлем чемпионатының ресми жарыс кестесін таныстырды, деп хабарлайды Prosports.kz.

Келесі жылы пилоттарды әлем чемпионатының 24 кезеңі күтеді. Жарыстар 22 елде өтеді. Оның ішінде 10 кезеңде спринттік жарыс ұйымдастырылады.

Жаңа маусымға дайындық Бахрейндегі маусым алдындағы тестілеуден басталады. Тестілер 24-27 ақпан аралығына жоспарланған. Наурызда бұл елдің автодромы чемпионат қатысушыларын қайта қабылдайды. Маусымның алғашқы жарыс демалысы 12-14 наурыз күндері өтеді.

2027 жылы спринттік формат алғаш рет Бахрейн, Аустралия, Жапония, Монако және Абу-Даби кезеңдерінде қолданылады. Сонымен қатар қысқа жарыстар Канада (Монреаль), Ұлыбритания (Сильверстоун), Италия (Монца), Бразилия (Сан-Паулу) және Катар (Лусаил) Гран-приінде де сақталады.

«Формула-1» 2027 жылғы толық күнтізбесі:

• 12-14 наурыз — Бахрейн Гран-приі

• 19-21 наурыз — Сауд Арабиясы Гран-приі

• 2-4 сәуір — Аустралия Гран-приі

• 9-11 сәуір — Жапония Гран-приі

• 16-18 сәуір — Қытай Гран-приі

• 30 сәуір – 2 мамыр — Майами Гран-приі

• 21-23 мамыр — Канада Гран-приі

• 4-6 маусым — Монако Гран-приі

• 18-20 маусым — Португалия Гран-приі

• 2-4 шілде — Ұлыбритания Гран-приі

• 9-11 шілде — Аустрия Гран-приі

• 23-25 шілде — Бельгия Гран-приі

• 30 шілде – 1 тамыз — Венгрия Гран-приі

• 3-5 қыркүйек — Италия Гран-приі (Монца)

• 10-12 қыркүйек — Испания Гран-приі (Мадрид)

• 24-26 қыркүйек — Әзербайжан Гран-приі

• 1-3 қазан — Түркия Гран-приі

• 8-10 қазан — Сингапур Гран-приі

• 22-24 қазан — АҚШ Гран-приі (Остин)

• 29-31 қазан — Мексика Гран-приі

• 12-14 қараша — Бразилия Гран-приі

• 19-21 қараша — Лас-Вегас Гран-приі

• 3-5 желтоқсан — Катар Гран-приі